REYDLƏR MÜNTƏZƏM OLARAQ DAVAM ETDİRİLİR
“Azərenerji” ASC-nin Mətbuat xidmətinə Bərdə paylayıcı elektrik şəbəkəsindən (PEŞ) daxil olan məlumata görə, cari ilin iyul ayında müəssisənin xidməti ərazisində keçirilmiş reydlər zamanı 49 istehlakçının (bundan 28-i məişət abonenti (əhali) istehlakçılar qrupuna aiddir) sayğac uçot komplektində pozuntu faktı aşkar edilmişdir. Aşkar edilmiş qayda pozuntuları müvafiq qaydada aktlaşdırılmış və 356,9 min kilovatsaatdan artıq itirilmiş elektrik enerjisinin 21,4 min manatdan çox istehlak dəyəri bərpa edilmişdir. Qeyd edilən miqdardan 137,5 min kilovatsaatdan çoxu və ya 8,3 min manata yaxını məişət abonenti (əhali) istehlakçılar qrupuna aiddir. Həyata keçirilən müvafiq tədbirlər nəticəsində hesabat ayında həmin bu məbləğin (21,4 min manatın) ödənişi təmin edilmişdir.
Qeyd edək ki, sözügedən müəssisə üzrə cari ilin ötən 7 ayı ərzində isə 617 qayda pozuntusu aşkar edilərək akt tərtib olunmuş, 3,1 milyon kilovatsaata yaxın itirilmiş elektrik enerjisinin istehlak dəyəri bərpa edilmişdir. Qeyd edilən miqdardan 454 ədəd akt və 1,5 milyon kilovatsaatdan çoxu məişət abonenti (əhali) istehlakçılar qrupuna aiddir. Həmin bu məbləğin də (185,4 min manatdan artıq) 60 faizdən artıq hissəsinin ödənişi təmin edilmiş və qalan hissənin ödənilməsi istiqamətində isə müvafiq tədbirlər həyata keçirilir.
Ucar PEŞ-dən əldə edilən məlumata görə, 2010-cu ilin iyul ayında keçirilmiş reydlər zamanı 22 istehlakçının (bundan 18-i məişət abonenti (əhali) istehlakçılar qrupuna aiddir) sayğac uçot komplektində qüsur aşkar edilərək 42,6 min kilovatsaata yaxın itirilmiş elektrik enerjisinin 2,6 min manata yaxın istehlak dəyəri bərpa edilmişdir. Qeyd edilən miqdardan 29,2 min kilovatsaatdan artıq və ya 1,8 min manata yaxını məişət abonenti (əhali) istehlakçılar qrupuna aiddir. Həyata keçirilən müvafiq tədbirlər nəticəsində həmin bu məbləğin (2,6 min manatın) 90 faizdən artıq hissəsinin ödənişi təmin edilmişdir.
Onu da qeyd etmək yerinə düşərdi ki, burada cari ilin 7 ayı ərzində isə 133 qayda pozuntusu faktı aşkar olunmuş, 436,2 min kilovatsaatdan artıq itirilmiş elektrik enerjisinin 26,2 min manata yaxın istehlak dəyəri bərpa edilmişdir. Qeyd edilən miqdardan 110 ədəd akt, 268,1 min kilovatsaatdan çox və 16.1 min manata yaxını məişət abonenti (əhali) istehlakçılar qrupuna aiddir. Hesabat ayında həmin bu məbləğin (26,2 min manatın) 57 faizdən artıq hissəsinin ödənişi təmin edilmiş və qalan hissənin ödənilməsi istiqamətində isə müvafiq tədbirlər həyata keçirilir.
Goranboy PEŞ-in xidməti ərazisində isə cari ilin iyul ayında keçirilmiş reydlər zamanı 27 qayda pozuntusu (bundan 19-u məişət abonenti (əhali) istehlakçılar qrupuna aiddir) faktı aşkar edilərək müvafiq qaydada aktlaşdırılmışdır. Nəticədə 348,4 min kilovatsaatdan artıq itirilmiş elektrik enerjisinin 20,9 min manatdan çox istehlak dəyəri bərpa edilmişdir. Qeyd edilən miqdardan 40 min kilovatsaata yaxını və 2,4 min manatdan çoxu məişət abonenti (əhali) istehlakçılar qrupuna aiddir. Hesabat ayında həmin bu məbləğin (20,9 min manatın) 35 faizə yaxın hissəsinin ödənişi də təmin edilmişdir.
Ümumiyyətlə, burada 2010-cu ilin 7 ayı ərzində 485 qayda pozuntusu (bundan 395-i məişət abonenti (əhali) istehlakçılar qrupuna aiddir) faktı aşkar edilərək 2,1 milyon kilovatsaatdan (bundan 1,1 milyon kilovatsaata yaxını məişət abonenti (əhali) istehlakçılar qrupuna aiddir) artıq itirilmiş elektrik enerjisinin istehlak dəyəri bərpa edilmişdir. Həmin bu məbləğin (127,5 min manatın) 60 faizə yaxın hissəsinin ödənişi təmin edilmiş və qalan hissənin ödənilməsi istiqamətində isə müvafiq tədbirlər həyata keçirilir.
