REYDLƏR NƏTİCƏ VERİR

İstehlakçıların “Elektrik enerjisindən istifadə qaydaları”na riayət etmələrinin yoxlanılması istiqamətində keçirilən reydlər zamanı müxtəlif növ pozuntu hallarına rast gəlinir.
“Azərenerji” ASC-nin Mətbuat xidmətinə Zaqatala paylayıcı elektrik şəbəkəsindən  (PEŞ) daxil olan məlumata görə,  cari ilin iyul ayında müəssisənin xidməti ərazisində keçirilmiş reydlər zamanı 25 istehlakçının (Ötən ilin müvafiq dövründə isə bu göstərici 8 ədəd olmuşdur) Elektrik Enerjisindən İstifadə Qaydalarını pozması faktı aşkar edilmişdir ki, bundan da 23-ü məişət abonenti (əhali) istehlakçılar qrupuna aiddir. Aşkar edilmiş qayda pozuntuları müvafiq qaydada aktlaşdırılmış və 108,5 min  kilovatsaata yaxın itirilmiş elektrik enerjisinin 6,5 min manatdan artıq istehlak dəyəri bərpa edilmişdir. Qeyd edilən miqdardan 89,7 min kilovatsaatdan çoxu və ya 5,4 min manata yaxını məişət abonenti (əhali) istehlakçılar qrupuna aiddir. Həyata keçirilən müvafiq tədbirlər nəticəsində hesabat ayında həmin bu məbləğin (6,5 min manatın) 35 faizdən çox hissəsinin ödənişi təmin edilmişdir.
Qeyd edək ki, cari ilin ötən 7 ayı ərzində isə burada 149 qayda pozuntusu (ötən ilin müvafiq dövründə isə bu göstərici 104 olmuşdu)  aktı tərtib olunmuşdur ki, bundan da 104-ü məişət abonenti (əhali) istehlakçılar qrupuna aiddir. Nəticədə 374 min kilovatsaatdan artıq itirilmiş elektrik enerjisinin 22,4 manatdan çox istehlak dəyəri bərpa edilmişdir. Qeyd edilən miqdardan 290,4 min kilovatsaata yaxını və ya 17,4 min manatdan çoxu məişət abonenti (əhali) istehlakçılar qrupuna aiddir. Həmin bu məbləğin (22,4 min manat) 33 faizə yaxın hissəsinin ödənişi təmin edilmiş və qalan hissənin ödənilməsi istiqamətində isə müvafiq tədbirlər həyata keçirilir.
İsmayıllı  PEŞ-dən əldə edilən məlumata görə, müəssisənin xidməti ərazisində cari ilin iyul ayında keçirilmiş reydlər zamanı 17 istehlakçının (Ötən ilin müvafiq dövründə isə bu göstərici 6 ədəd olmuşdur) sayğac uçot komplektində qüsur aşkar edilmişdir ki, bundan da 15-i məişət abonenti (əhali) istehlakçılar qrupuna aiddir. Aşkar edilmiş qayda pozuntuları müvafiq qaydada aktlaşdırılmış və 89,1 min kilovatsaata yaxın itirilmiş elektrik enerjisinin 5,3 min manatdan artıq istehlak dəyəri bərpa edilmişdir. Qeyd edilən miqdardan 82,9 min kilovatsaata yaxını və ya 5 min manata yaxını məişət abonenti (əhali) istehlakçılar qrupuna aiddir. Hesabat ayında həmin bu məbləğin (5,3 min manat)  30 faizə yaxın hissəsinin ödənişi təmin edilmişdir.
Mənbəyə istinadən onu da qeyd edək ki, burada cari ilin ötən 7 ayı ərzində keçirilmiş reydlər zamanı 81 qayda pozuntusu (Ötən ilin müvafiq dövründə isə bu göstərici 6 ədəd olmuşdur) fakt aşkar olunmuşdur ki, bundan 93-ü məişət abonenti (əhali) istehlakçılar qrupuna aiddir. Nəticədə 1,2 milyon kilovatsaatdan artıq itirilmiş elektrik enerjisinin istehlak dəyəri bərpa edilmişdir. Qeyd edilən miqdardan 535,8 min kilovatsaata yaxını məişət abonenti (əhali) istehlakçılar qrupuna aiddir. Həyata keçirilən müvafiq tədbirlər nəticəsində həmin bu məbləğin (72,1 min manatın) 35 faizdən artıq hissəsinin ödənişi təmin edilmiş və qalan hissənin ödənilməsi istiqamətində isə müvafiq tədbirlər həyata keçirilir.