Mütəxəssislərin hesablamalarına görə, 2050-ci ildə Yer üzündə elektrik enerjisinə tələbat iki dəfə artacaq. Bu, atmosferdə karbon qazının artmasına gətirib çıxara bilər. Əsas səbəb isə energetika texnikasının köhnəlməsidir. Rusiya Elmlər Akademiyası ekspertlərinin fikrincə, 2009-cu ildə elektrik energetikasına investisiya qoyulmasının həcmi 20 milyard dollara çata bilər. İnvestisiya axını isə təkcə energetikanın özü üçün deyil, eyni zamanda bütün iqtisadiyyat üçün vacibdir, çünki o, elektrik maşınqayırmasının, elektrotexnika sənayesinin, inşaat kompleksinin, elmi-layihə və axtarış bazasının inkişafına şərait yaradar.